Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
9 Апрель 2019, 10:19

Әсә булыу – бәхет бит ул! Ҡыҙҙарығыҙҙы ҡарағыҙ, уйнап ҡалһындар.

БР Һаулыҡ һаҡлау министрлығы мәғлүмәттәренә ҡарағанда иң йәш әсәй былтыр теркәлгән. Өфөнән бер ҡыҙ бала 14 йәшендә бала тапҡан. Ә 2017 йылда бер ҡыҙыҡай 13 йәшендә бәпәйләгән.

Былтыр Башҡортостанда 47411 бала тыуған, шул иҫәптән 22807 ҡыҙыҡай, 24264 малай. Статистика 10 ҡатындың әсәлек бәхетен 48 йәштән 51 йәшкә тиклем татыуын дәлилләй. Тик улар 2013 йылда 54 йәшендә бала тапҡан ҡатынға етә алмаған.
Балалар беҙгә кәрәк, тыуған ил эшсе ҡулдарға һәр ваҡыт мохтаж. Тик 13, 14 йәшлек ҡыҙ балаларҙы әсә урынында күреү һеҙҙә ниндәй тойғолар уята? Был хаҡта әллә күпме бәхәс ҡуйыртырға булыр ине.
Ҡыҙҙарығыҙҙы Хоҙай һаҡлаһын, үҙегеҙ ҡарағыҙ, иғтибарлы булығыҙ. Ҡыҙҙарығыҙ мәктәптә уҡып, түңәрәктәргә йөрөп, уйнап ҡалһындар.

Фото интернеттан алынды.