Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
8 Апрель 2019, 11:12

Нисек хоккей ҡарарға һәм иҫән ҡалырға? Көйәрмәндәрҙе ниндәй ҡурҡыныс һағалай?

Табиптар фекеренсә, спорт уйындары ыңғай эмоциялар һәм хис-тойғонан тыш һаулығы насар кешегә кире тәьҫир яһауы ла ихтимал. Юғары ҡан баҫымы, йөрәк-ҡан тамыры сирҙәре менән интеккәндәргә телевизор ҡарарға кәңәш итмәйҙәр. Ә инде ҡараған осраҡта ҡул осоғоҙҙа кәрәкле дарыуҙар булһа, һис тә артыҡ түгел.

Мөһим һәм хәл иткес уйындар ваҡытында тиҙ ярҙам саҡырыу осраҡтары йышая.
Өфөләр 70-се йылдар аҙағында булған бер ваҡиғаны яҡшы хәтерләй. СССР һәм Чехословакия командалары уйнағанда беҙҙекеләр тәүҙә еңелә башлай. Шул ваҡыт Өфөнөң ҙур предприятиеларының береһенең баш инженеры инфаркт ала. Табиптар килеп өлгөрмәй, инженер вафат була. Был осраҡ хаҡында хатта үҙәк мәғлүмәт саралары ла хәбәр итте. Мәрхүмде ерләргә бик күп кешеләр килә. Әйткәндәй, юғарыла иҫкә алған уйын беҙҙекеләрҙең еңеүе менән тамамлана.
Хәйерле хоккей кистәре һеҙгә! Иҫән-һау булығыҙ!
Фото: proufu.ru
Читайте нас в