Бөтә яңылыҡтар
Дөйөм мәҡәләләр
8 Апрель 2019, 13:49

Эсмәйенсә лә байрам итергә мөмкин. Тормошобоҙҙа араҡыһыҙ көндәрҙең барлыҡҡа килеүе бик ихтимал.

Радий Хәбиров бөгөнгө оператив кәңәшмәлә ҡайһы бер байрамдарҙы, атап әйткәндә, һабантуйҙы араҡыһыҙ ғына үткәреү мәсьәләһен күтәреп сыҡты. Шатлыҡтарҙы эсеп иҫермәйенсә лә күтәрергә мөмкин, – тине республика етәксеһе. – Мәҫәлән, һабантуйҙарҙы эскеһеҙ үткәрергә булыр ине.

Ғөмүмән, эсеүҙән баш тартырға теләһәң, сәбәбен табырға мөмкин. Мәҫәлән, һуңғы ҡыңғырау, йәштәр байрамы, белем көнө һымаҡ сараларҙы үткәргәндә спиртлы эсемлектәрҙе һатыуҙы туҡтатып ҡарарға кәрәк.
Был тәҡдимдәргә ҡарата фекерҙәр төрлөсә булыуы бик ихтимал. Ләкин бөгөн ул ифрат ҙур әһәмиәткә эйә. Эскелектең таралыуы күптәрҙең үҙәгенә үтте. Шулай булғас, төрлө алымдарҙы файҙаланып ҡарарға тура килә.