Оҙаҡламай ҡарлуғастар осоп килер... Улар беҙгә быйыл нимә килтерер?

Ҡалаға уҡырға килгәнсе мин ауыл ҡарлуғастары ғына булалыр, тип уйлай инем. Улары ла беҙҙең һымаҡ әрһеҙ, күмәктәр, бер ҡатлы һәм ябайҙар. Улар өсөн беҙҙең өҫтәге сымдарға килеп теҙелешеп ултырыу бер ни ҙә тормай ине. Тәүбә, тәүбә, ауыл малайҙары рогаткаһыҙ буламы инде, асыҡ ауыҙ ҡошсоҡтарҙы байтаҡ сүпләнек. Тиңдәштәремдән айырмалы, яҙа атыуым ғына бөгөн күңелемде бер аҙ тынысландыра.

Ҡалаға килгәс, эрерәк, ҙурыраҡ, текәрәк, ҡыйғырыраҡ, тауышлыраҡ ҡарлуғастарҙы күрҙем. Ҡала ҡарлуғастары, русса стрижи, тип атала, тине ҡәләмдәшем Дамир Шәрәфетдинов. Бәлки, хаталанамдыр, һәр хәлдә, Дамир хаталанмаҫ.

Шулай итеп, егәрле, талымһыҙ ҡала ҡарлуғастары менән ҡырҡ йыллап ғүмерем бәйләнгән. Ҡайҙа барһам да, йәй буйы оҙатып йөрөйҙәр. Улар осоп килдеме, бер-береһен эҙләп, һауа яңғыратып, ҡысҡырышып ҡыйылһынмы – йәй башлана. Мотлаҡ рәүештә бүлмәмдең тыш яғынан тәҙрә тупһаһына ҡағылған тимер аҫтына оя ҡоралар. Өйҙәш, йәки тәҙрәләш һымаҡ була инде. Ғаилә тормошон, үҙегеҙ беләһегеҙ, төрлө саҡтар була, кешеләрҙекенән айырылмай, тип әйтерлек. Йыл һайын йомортҡа һалалар, ҡошсоҡтарын сығаралар, алмаш-тилмәш иртә таңдан ҡараңғыға тиклем аҙыҡ ташыйҙар. Мәңге туя белмәҫ ҡошсоҡтары туҡтауһыҙ ашарға таптыра, сиратты һаҡлауҙы талап итеп, сәркелдәшә. Осорға өйрәнәләр. Һауалағы ҡошсоҡ, урамда тәүге аҙымдарын яһаған сабый һымаҡ, ифрат ышанысһыҙ оса, йә күтәрелә, кинәт төшөп китә. Бәлки, йығылып та ҡуялыр.

Һирәкләп, ата менән инә үҙ-ара боҙолошоп, мөнәсәбәт асыҡлай башлай. Түҙеп кенә тор инде, ҡаплаған тимер һелкенгәндәй тойола. Хәйер, быныһы һирәк була торған хәл.

Миңә ҡалһа, йәйҙе ошо ҡарлуғастар ҡанаттары менән алып килә һәм алып китә һымаҡ. Матур йәйҙәр килтерегеҙ беҙгә, уңған ҡоштар! Йылы булһын, ямғыры ла ваҡытында яуһын, игендәр, емеш-еләк, йәшелсә уңһын.

Читайте нас:

© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.

Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.

Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире

Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА

Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа

Телефон

8(347)2-92-77-66

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)2-92-77-66

Редакция

8(347)2-92-77-66

Ҡабул итеү бүлмәһе

8(347)2-92-77-66