Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
3 Апрель 2019, 18:26

Халыҡты ҡырыуға ҡаршы көрәшкә... халыҡ күтәрелә. Ауылдарҙа ялған араҡы һатыуға ҡаршы йыйындар үткәрелә.

Ғинуар айында Республика етәксеһе Радий Хәбировтың контрофакт араҡы һатыуға ҡаршы сығышы күпселекте уятып ебәргәндәй булды. Спиртлы эсемлектәр һатыуға һәм ҡулланыуға ҡаршы урындағы йәмәғәтселектең күтәрелеүе һәйбәт һөҙөмтә бирә. Эске эштәр хеҙмәткәрҙәре тарафынан байтаҡ ялған араҡы тартып алынған һәм юҡ ителгән.

Үткән ял көндәрендә Өфө–Кушнаренко юлында ошо ауыл кешеһенең машинаһын тикшереү өсөн туҡтатҡас, багажниктан бишәр литрлы биш һауыт спирт табыла. Полицейскийҙар артабан тикшереү маҡсатында, әлеге кешенең йорт-ҡураһын ҡарай һәм һарайҙан 1300 литр ялған спирт ала. Енәйәт эше ҡуҙғатылған, тикшереү эштәре бара.
Ә бына Ишембай районы Маҡар ауылында эскелеккә ҡаршы көрәш урындағы йыйында иғлан ителә. Сығыш яһаусылар ҡурҡып тормай, ҡайһы урамда кемдең ялған араҡы һатыуы хаҡында исем-фамилияһын һанай, биләмәгә ҡараған ауылдарҙа кемдәрҙең законһыҙ эш менән шөғөлләнеүен фашлай.