Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
3 Апрель 2019, 18:13

Башҡортостан Хөкүмәте премьер-министрының элекке урынбаҫары Евгений Гурьев рәшәткә артында. Урынбаҫарҙы бер ай ҙа 20 көнгә ҡулға алғандар.

Закон ҡаты, ләкин ул закон. Хәҙер был йылдар һынауын үткән талап бөтәһенә лә ҡағыла. Тәфтишселәр элекке вице-премьер, Ер һәм мөлкәт министры булып эшләгәндә етди закон боҙоуҙарға юл ҡуйған, тип иҫәпләй.

Ысынлап та, уның рөхсәте менән төҙөлөш компанияһына ике ер участкаһы ярты хаҡына бүленгән. Административ биналар идаралығы тарафынан да уңайлы кешеләргә дәүләт мөлкәте таратып бирелгән. Һөҙөмтәлә, Идаралыҡ етәксеһе ҡулға алынған.
Хәҙер тәфтишселәрҙең иғтибар үҙәгендә элекке вице-премьер. Ҡайһы бер мәғлүмәт саралары чиновниктың закон боҙоуҙарын республиканың элекке етәкселәренең исеме менән бәйләй һәм аныҡ миҫалдар килтерә.
Үкенескә ҡаршы, һуңғы ете-һигеҙ йылда Башҡортостан коррупция сәскә атҡан төбәктәрҙең береһенә әйләнде. Башҡарма власть органдарында, көс структураларында тиҫтәләрсә енәйәт эше асылды. Бындай кире миҫалдар республиканың абруйын төшөрә, инвесторҙарҙы ситкә этә. Арыныу юлы бер генә, һәр енәйәт законлы язаһын алырға тейеш.