Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
2 Апрель 2019, 10:25

Атаһынан ҡалған ерҙәй һатып ебәргән. Рөстәм Хәмитов командаһының иң йоғонтоло вице-премьерҙарының береһе ер һатыуҙа үҙ вәкәләттәрен арттырыуҙа ғәйепләнә.

Юғары вазифалы түрәләр Мәскәүҙә генә закон боҙоу менән шөғөлләнә һәм яуаплылыҡҡа тарттырыла, тип уйлаусылар хаталана. Башҡортостанда юғары власть үҙгәргәндән һуң иғлан ителгән законлылыҡ, яуаплылыҡ, эффектлылыҡ тураһындағы талаптар эҙмә-эҙлекле тормошҡа ашырыла.

Элекке Башлыҡ Рөстәм Хәмитовтың иң яҡын вице-премьеры – ер һәм мөлкәт мөнәсәбәттәре министры Евгений Гурьевҡа ҡарата енәйәт эше ҡуҙғатылыуы ихтимал. Ул үҙенең вәкәләттәрен уҫал ниәттә файҙаланып, шәхси төҙөлөш компанияһына ярты хаҡына ике ер участкаһын рәсмиләштереүҙә ғәйепләнә. Ер һәм мөлкәт мөнәсәбәттәре министрлығының был ерҙәргә ҡарата хоҡуғы булмаған. Ошо енәйәт һөҙөмтәһендә Башҡортостан ҡаҙнаһы барлығы 27 миллион һумлыҡ зыян күргән.
БР тикшереү комитетынан алынған мәғлүмәттәргә ҡарағанда элекке вице-премьер ҡулға алынған, тәфтиш эштәре бара.
Фото: mkset.ru