Ағиҙел
-15 °С
Болотло
75 лет Победы
Бөтә яңылыҡтар
Дөйөм мәҡәләләр
27 Март 2019, 11:42

Рәсәй Хөкүмәтенең элекке министры коррупцияла ғәйепләнә. Михаил Абызовтың сираты етте.

Унынсы йылдарҙағы Рәсәй министрҙар кабинетында “Асыҡ Хөкүмәт” министры Михаил Абызов тигән билдәле генә эшҡыуар бар ине. “Асыҡ Хөкүмәт” министры нимә эшләгәндер, мин белмәйем. Һәр хәлдә, министр һынлы министр кабинетында компьютерҙа уйнап, ваҡыт уҙғарып ҡына ултырмағандыр. Ошо министр Хөкүмәт эштәрен компьютерлаштырыу, атап әйткәндә, күп функциялы үҙәктәрҙең эшен ойоштороуҙы яйға һалғандыр, тип өмөт итәм.

Хәҙер, билдәле булыуынса, элекке министр кабинетында шым ғына ултырмаған, аҡса һанау менән дә етди шөғөлләнгән. Тикшереүселәр билдәләүенсә, үҙе эшләгән йылдарҙа 4 миллиард һум аҡсаны сит илдәргә сығарған, ҡайһы бер төбәктәрҙең энергетик үҙаллылығын ҡурҡыныс аҫтына ҡуйған. Һатҡанмы, һатырға иткәнме, һатырға өлгөрмәгәнме, белмәйем.
Мәҫәлән, элекке иҡтисади үҫеш министры Улюкаев менән бөтәһе лә аңлашыла ине. “Башнефть” компанияһын һатҡан өсөн тел ярҙамы булғанмы, 2 миллион доллар талап иткән. 1 миллион долларын алған, өҫтәп, 8 йылмы биргәндәр.
Шулай итеп, коррупцияның иң юғары власть коридорҙарында хужа булыуы тағы ла раҫланды. Хәҙер беҙгә күпме бирерҙәр икән, тип ҡыҙыҡһынырға ғына ҡала. Бирерҙәр, йәлләмәҫтәр, беҙҙә юҡҡа ултыртмайҙар.
Фото: www.rbc.ru
Читайте нас в