Ағиҙел
-15 °С
Болотло
75 лет Победы
Бөтә яңылыҡтар
Дөйөм мәҡәләләр
26 Март 2019, 11:44

Эскелек бер шешә һыранан, йәки 40-50 граммдан башлана. Әгәр һинең ҡатының йә әсәйең эсһә, уны ҡотҡарыу мөмкин булмаясаҡ.

Ғалимдар ирҙәр һәм ҡатындар араһындағы алкоголизм сирен айырып ҡарарға тәҡдим итә. Ни өсөн, тиһегеҙме? Сөнки улар ике төрлө физик ауырлыҡҡа ҡарай. Мәҫәлән, ирҙәр көслөрәк, улар ауыр эштәрҙе башҡара, күп эшләй, тимәк, нығыраҡ һәм сыҙамлыраҡ. Аллаһ Тәғәлә ҡатын-ҡыҙҙы яуаплыраҡ эшкә тәғәйенләп яралтҡандыр. Мәҫәлән, әсә булыу, йәки нәҫелде дауам итеү, шулай булғас, яратыу һәм һоҡланыу өсөн.

Ҡатын-ҡыҙ араһында эскелектең таралыуы йылдан-йыл ҡурҡынысыраҡ күренеш ала бара. Ауыр физик эш организмдың һынауҙарға яраҡлашыуына килтерә. Ирҙәрҙең, мәҫәлән, организмында алкоголде тарҡатыусы һәм сығарыусы ферменттар күберәк, ә ҡатын-ҡыҙҙа – аҙыраҡ.
Һуңғы осор ғалимдар шундай фекер әйтә башланы: эскелеккә дусар булған ҡатын-ҡыҙ айыҡ тормошҡа әйләнеп ҡайтыу бәхетенән бөтөнләй мәхрүм. Социологтар күҙәтеүенсә, төшөрә башлау ябай ғына һыра шешәһенән, йәки кәйефте күтәреү өсөн 40-50 граммдан башланыуы бик ихтимал. Эсеп ҡаранығыҙмы? Оҡшанымы? Ҡабатлауҙы тыйырлыҡ бер кәртә лә юҡ. Ике-өс айҙан, иң оҙағы бер йылдан һеҙ был ҡатынды танымаясаҡһығыҙ. Ҡартайған йөҙ, саҡ ҡына ҡыҙара төшкән танау, арлы-бирле кейелгән кейем, хәҙер ул һеҙҙән банкетты дауам итергә тәҡдим көтә.
Эскелектән ҡотолоу юлы бармы? Бар, ти күпселек. Быны белгән һәм үҙҙәре кисергән кешеләр әйтә. Эсмәҫкә кәрәк. Һәр хәлдә, был донъяла эсмәйенсә йәшәргә мөмкин.
Фото: okeydoc.ru
Читайте нас в