Йәшәү өсөн көрәшмәйек. Йәшәү өсөн эшләйек.

Үткән аҙнала “Башҡортостан иң көслө унау иҫәбендә” тигән яҙмабыҙ иғтибарҙан ситтә ҡалманы, Ейәнсуранан күптәнге һәм һыналған авторыбыҙ Сәлих Ваһаповтың комментарийына лайыҡ булды. Нимә яҙа инде Сәлих ҡәләмдәш? “Башҡортостан халҡы, русса әйткәндә, выживает. Был бигерәк тә башҡорттарға ҡағыла. Башҡорттар ауылда йәшәй, унда эшһеҙлек, разруха”.

Сәлих миңә ҡорҙаш тура килә шикелле, 80-се йылдар башында беҙҙе мәрхүм Сабир ағай таныштырғайны. “Табунщик”, – тип күрһәтте ул миңә Сәлихте. Шунан бирле аралашабыҙ, яҙғандары оҡшай. Ат өйөрөн аймағанда ниндәй генә тос һәм мауыҡтырғыс сюжеттар килмәһен, Сәлих барыбер яҙыусы, тел, ил өсөн янған кеше булып ҡала. Эшһеҙлек, емереклек, тип йәне әсегәндән яҙғандыр.

Шул ыңғай Күгәрсен районының элекке башлығы, бик хөрмәтле һәм арбуйлы шәхес, Венер Ғәлимйән улы Аҙнағолов иҫкә төштө. 90-сы йылдар башы булдымы, шул яҡтарға барып сығылды. Был хаҡта яҙҙым да шикелле. Нимә һөйләне инде Венер Ғәлимйән улы яҡташтары хаҡында?

– Ауылдан ҡайтып төштөм, – тине башлыҡ кәйефһеҙ генә.

– Нисек йәшәйҙәр? – тип һорайым.

– Насар йәшәйҙәр, – тине киҫкен генә. – Идара эргәһендә бер йонсоу ғына ир мөрәжәғәт итте. Һөйләшә башланыҡ. “Венер туған, асығабыҙ бит, ни хәл итәйек?” – ти. Аҡсаһыҙлыҡ, алыш-бирешкә ҡоролған заман. Ғаиләһе лә ҙур ғына икән, ҡатыны бишенсе бәпес менән ултыра. “Мал-тыуарығыҙ бармы?” – тип һорайым. “Бер һыйыр тотабыҙ, башмаҡты һатырға тура килде”, – ти. “Ҡош-ҡорт, ҡаҙ аҫырайһығыҙмы?” – тим. “Юҡ”, – ти, ем алырға аҡсалары юҡ икән. “Картуф нисә сутый үҫтерәһегеҙ?” – тип һорайым. “Уныһын ҡуңыҙ үҫтерергә бирмәй, сүпләп, ағыулап бөтөрлөк түгел, быйыл сәсмәнем”, – ти. Асыуымдан нимә әйтергә белмәй аптырап ҡалдым. “Балаларыңды ла ашата алмағас, ниндәй кеше һин? Эт ялҡауы икәнһең”, – тип әрләп киттем.

Эшһеҙлек, разруха... Хәтәр һүҙҙәр бит. Кешене бөлдөрөрлөк, илде юҡ итерлек. Эшһеҙлек тигән һүҙ сыҡһа, иң тәүҙә ауылымды, ауылдаштарымды иҫкә төшөрәм. Стәрлебаш районының Ҡабыҡҡыуыш ауылы. Күптәр унар-ун бишәр һыйыр аҫырап, эргәләге ҡалаларҙы ит-һөт, ҡаймаҡ менән тәьмин итәләр. Иномаркаларҙа ғына елдерәләр, етеш йәшәйҙәр.

Ә башҡаларға бай йәшәргә кем ҡамасаулай? Йөҙҙәрсә, меңдәрсә ыңғай миҫал килтерергә мөмкин. Шуға, Сәлих, ғәфү ит, һин яманлаған эшһеҙлекте мин ҡабул итмәйем. Ауылда йәшәп, нисек эшһеҙ булырға мөмкин? Ҡалала ла шул уҡ хәл. Былтыр яҙғайныҡ, халыҡ артисы 3-4 урында тротуар һеперә, икенселәр иҙән йыуа, сауҙа итә.

Йәшәү өсөн көрәшәһе урынға тырышып эшләргә кәрәкмәйме икән? Ана, ҡәләмдәшебеҙ Салауат Әбүзәр көн һайын иртәнге 7-нән килеп, эшкә тотона. Бер нисә шиғыр юлы, яңы пьесаһына бер нисә һөйләм өҫтәр өсөн таң менән тороп, эшкә юллана. Беҙгә берәү ҙә яҙып бирмәй. Беҙ бер үк хәлдә, тип әйтергә теләүем.

Һаулыҡ һәм уңыштар һиңә, Сәлих ҡорҙаш.

Фото: Башҡортостан гәзите.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.

Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.

Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире

Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА

Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа

Телефон

8(347)2-92-77-66

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)2-92-77-66

Редакция

8(347)2-92-77-66

Ҡабул итеү бүлмәһе

8(347)2-92-77-66