Ағиҙел
-10 °С
Болотло
75 лет Победы
Бөтә яңылыҡтар
Дөйөм мәҡәләләр
23 Март 2019, 10:00

Беҙҙең урамда байрам! Йөҙйәшәр республикабыҙ тыуған көнөн билдәләй!

Урамда – яҙ, күңелдәрҙә – байрам. Бынан йөҙ йыл элек, 1919 йылдың 23 мартында Мәскәүҙә Рәсәй дәүләтенең етәкселеге менән Башҡортостан хөкүмәте араһында Башҡорт Автономиялы республикаһын төҙөү хаҡында килешеүгә ҡул ҡуйыла.

Ошо тарихи килешеү сит илдәр ғәскәрҙәре тарафынан ҡамалған йәш Совет республикаһына фронттағы хәлдәрҙе ыңғай яҡҡа үҙгәртергә һәм Рәсәй дәүләтенә федерализмдың нигеҙ ташын һалырға мөмкинлек бирә.
Дәүләтселегебеҙ ойошторолоуының башында Вәлидиҙәр, Бикбовтар, Ҡарамышевтар, Бабичтар, Ҡулаевтар һәм башҡа шәхестәр торған республикабыҙ ваҡыт һынауҙарын үтеп, тиңдәр араһында тиң булып, үҙ йөҙөн һаҡлап, башҡаларға дуҫлыҡ, татыулыҡ өлгөһө күрһәтеп әле лә йәшәй икән, тимәк, йөҙ йыл элек беҙҙең ата-бабаларыбыҙ дөрөҫ юл һайлаған.
Үткән йөҙ йыл эсендә халҡыбыҙ үҙенең рухи ҡиммәттәрен –ауыҙ-тел ижадын, әҙәбиәтен, мәҙәниәтен һаҡлап ҡына ҡалманы, артабан да үҫтерҙе.
Бөгөн Башҡортостан Республикаһы Рәсәй Федерацияһының иҡтисади йәһәттән үҫешкән, ҡеүәтле сәнәғәткә эйә булған төбәктәренең береһе. Уның тарихы бай, киләсәге яҡты, кешеләре эшһөйәр.
Байрам менән һеҙҙе, хөрмәтле ватандаштар!
Читайте нас в