Бушты һөйләмәгеҙ, беҙҙән дә бәхетлеләр юҡ. Ер шарында бәхетле илдәр рейтингы иғлан ителде.

БМО-лағы бер бүлексә бәхетле илдәрҙең рейтингын билдәләү менән шөғөлләнә. Был эш, йәнәһе, төрлө кимәлдәге илдәрҙең тотороҡло үҫеше юлдарын эҙләү өсөн кәрәк. Былтыр Рәсәй ошо рейтингта 59-сы урынды биләгән, быйыл 9 баҫҡысҡа түбән төшкән һәм 68-се урынды алған.

Рейтингта 156 ил ҡатнашҡан. Һуңғы урында – Африкалағы Көньяҡ Судан.

Хәҙер беҙ биләгән, йәғни, лайыҡ булған 68-се урын хаҡында ентекләберәк.

1-се, 2-се, 3-сө урындарҙы әлеге Финляндия, Дания, Норвегия яулаған. Урындарҙы бүлгәндә етештереү кимәле, ғүмер оҙонлоғо, социаль ярҙам, ҡарарҙар ҡабул итеү шарттары һ.б. иҫәпкә алынған. Бәй, ентекләп ҡарағыҙ әле, ошо күрһәткестәр, баяғы, тап беҙ алдынғы барған тармаҡтар ҙа инде. Европаның яртыһы, тип әйтерлек, беҙҙең газ һәм нефть менән йылына һәм үҙен бәхетле тоя. Ғүмер оҙонлоғо ла хәҙер насар түгел, әгәр 90-сы йылдар менән сағыштырһаҡ, пенсияһын, пособиеһын арттырып баралар, хәҙер ваҡытында түләйҙәр. Шул уҡ ҡарарҙар ҡабул итеү шарттарын беҙ, мәҫәлән, халыҡ ихтыяжының иҫәпкә алыныуы тип аңлайбыҙ. Беҙ ялбарып һорағайныҡ, лозунгылар күтәреп урамға сыҡҡайныҡ, пенсия йәшен арттырҙылар, бөтә илде сүп-сар баҫа башлағайны, барса халыҡ: “Беҙ ғәйепле! Аҡсаһын беҙҙән йыйығыҙ!” – тип саҡ ҡына ым-ишара яһағайны, түләү ҡағыҙҙары килә лә башланы. Беҙ сүпләгәс, ул кем иҫәбенә таҙартылырға тейеш? Шул уҡ финдар йә немецтар сүп-сар йыйып йөрөмәҫ инде.

Ә былай, беҙгә ҡалһа, һис тә насар йәшәмәйбеҙ. Хөкүмәткә рәхмәт, дәүләткә дан. Рейтинг төҙөүселәрҙе бер нисә көнгә генә 90-сы йылдарҙағы Рәсәйгә алып төшөргә кәрәк ине. Бына күрерҙәр ине, исмаһам, бәхеттең нимә икәнлеген. Әйткәндәй, Рәсәйҙе ул осор уңдан да, һулдан да талаусы олигархтар күпкә бәхетлерәк инеләр. Хәҙер аҙ булһа ла бүлешергә, халыҡты ла ҡарарға тура килә.

Мәңге зарланып йәшәп булмаҫ, алда ла көн бар бит әле. Һиҙмәй ҙә ҡалдыҡ, Рәсәй иген етештереү һәм һатыу буйынса донъяла беренсе урынға сыҡты ла ҡуйҙы. Магазин тулы үҙебеҙҙә етештерелгән аҙыҡ-түлек. Капитализм тигәндәре лә йыртҡыс ҡиәфәтле булһа ла, ул тиклем үк ҡурҡыныс түгел икән. Беҙгә, коммунизм төҙөп ҡараған халыҡҡа, бындай ғына һынауҙар кәртә түгел, бер ваҡ-төйәк кенә икән.

Бына бит, уйынлы-ысынлы һанай торғас, осона ла сыҡтыҡ, буғай. Беҙгә ниндәй генә урын бирмәһендәр, беҙ һыната, бирешә торған халыҡ түгел. Ана бит, үҙебеҙҙең социологтар иғлан иткән мәғлүмәттәр нимә һөйләй: Рәсәйҙә йәшәүселәрҙең 76 проценты үҙҙәрен бәхетле тоя. Шулай булғас, әйҙәгеҙ, бәхетле йәшәйек.

Читайте нас:

© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.

Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.

Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире

Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА

Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа

Телефон

8(347)2-92-77-66

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)2-92-77-66

Редакция

8(347)2-92-77-66

Ҡабул итеү бүлмәһе

8(347)2-92-77-66