Бөтә яңылыҡтар
Дөйөм мәҡәләләр
4 Март 2019, 14:18

Бәлә аяҡ аҫтында һәм өй ҡыйығында. Ҡарлы боҙ ишелеү ҡурҡынысы барыбыҙға ла янай.

Үткән аҙнала беҙ был хаҡта яҙғайныҡ инде. Шул арала ҡар ишелеү башланды ла. Бер нисә кеше дауаханаға эләкте. Күрәҙәлек итәләр, тимәгеҙ. Быйыл бәлә һәр ишек алдында һағалай.

Торлаҡты хеҙмәтләндереүселәр күберәк аяҡ аҫтындағы ҡарҙы таҙартыу һәм ташыу менән мәшғүл. Өй ҡыйыҡтарына ҡулдары етмәй әле. Бәлки, фарман да булмағандыр.
Көн аша бурандар, кисә йылытты, бөгәсә туңдырҙы, иртәгә тағы имшетәсәк. Бындай осраҡта урамға сыҡҡан һәр кеше үҙ йүнен ҡарамаһа, бәләгә тарыуыңды көт тә тор.
Берүк һаҡ булығыҙ, ҡабатлайбыҙ, имен-аман ҡайтығыҙ.