Бөтә яңылыҡтар
Дөйөм мәҡәләләр
28 Февраль 2019, 09:59

Иң баш көйәрмән рухландырҙы. “Салауат Юлаев”-“Металлург” – 4:1.

Сибайҙағы ауыр һәм ҡатмарлы һөйләшеүҙән һуң Радий Хәбиров Магнитогорск ҡалаһында “Салауат Юлаев” менән “Металлург”тың осрашыуын ҡарарға өлгөрҙө. Был хаҡта республика етәксеһе “Инстаграм”дағы сәхифәһендә: “Магнитогорск... Сибайҙан юл ыңғай ҡайтышлай беҙҙекеләр өсөн көйөргә өлгөрҙөк. Мин Сибай малайҙары менән, моғайын, араларында “Салауат Юлаев”тың буласаҡ боҙ рыцарҙары барҙыр. Әлегә улар “Таусы” өсөн шайба һуға, уларҙың һәйбәт мәктәбе бар. Уларҙы хәҙер ошондай сәфәр менән дәртләндерҙеләр”.

Ә һеҙ, хөрмәтле “Ағиҙел” журналы” төркөмөнә яҙылыусылар, әлеге фотоға ентекләп ҡарағыҙ, Радий Фәрит улының һәр хәрәкәтендә күпме көс, дәрт һәм шатлыҡ. Эргәләге малайҙар нисек ҡыуана! Иң бәхетле малайҙар башлыҡтың үҙе менән хоккей аренаһының иң уңайһыҙ тип иҫәпләнгән 4-се ҡатынан беҙҙекеләр өсөн “көйәләр”. Ун сәғәт эсендә фотоны 25 меңләп кеше ҡараған һәм “лайк” ҡуйған. Әйҙәгеҙ, беҙ ҙә уларға ҡушылайыҡ.