Бөтә яңылыҡтар
Дөйөм мәҡәләләр
27 Февраль 2019, 10:43

Башҡорт кадрҙары Мәскәүҙе яулай. Айрат Ғәскәров менән Хәмит Мәүлийәровты яуаплы вазифаларға тәғәйенләнеләр.

Элекке дәүерҙә Башҡортостандан сыҡҡан һәм аҙмы-күпме яуаплы вазифаға тәғәйенләнгән етәксе төбәк башлығына көндәш итеп ҡарала, күрмәмешкә, хатта мәғлүмәт йәһәтенән эҙәрлекләүгә дусар ителә торғайны.

Хәҙер бөтөнләй икенсе күренеш. Элекке вице-премьер һәм финанс министры Айрат Ғәскәровты ғына алайыҡ. Яңыраҡ ул яуаплы эшкә – “Росспиртпром” акционерҙар йәмғиәте етәксеһе вазифаһына тәғәйенләнде. Икенсе миҫал: шулай уҡ элекке вице-премьер, төҙөлөш тармағы өсөн яуаплы Хәмит Мәүлийәров Рәсәй Хөкүмәте эргәһендә ойошторолған “Милли-мәҙәни мираҫ” фондына етәкселек итәсәк һәм мәҙәниәткә ҡараған 120 миллиард һумлыҡ төҙөлөш эштәрен тормошҡа ашырасаҡ. Путин проекты тип аталған был киң тармаҡлы эште Дәүләт компаниялары туранан-тура финанслаясаҡ. Төҙөлөш эштәре Санкт-Петербург, Калининград, Владивосток, Севастополь, Кемерово ҡалаларында барасаҡ. Әйткәндәй, Хәмит Мәүлийәров РФ Төҙөлөш министры урынбаҫары булып эшләне, Сочи олимпиадаһын төҙөп бөтөүҙә әүҙем ҡатнашты һәм юғары дәүләт наградаһына лайыҡ булды. Тик был хаҡта Башҡортостан халҡы белмәй ҡалды.
Хәҙер Башҡортостан инвесторҙар өсөн генә түгел, ошонан сыҡҡан һәм ҙур вазифа биләгәндәр өсөн дә асыҡ. Уларҙың ҡанат нығытҡан төбәктәренә ярҙам итерҙәренә ышаныс ҙур.