Бөтә яңылыҡтар
Дөйөм мәҡәләләр
22 Февраль 2019, 12:04

Башҡортостан һәм Татарстан. Башҡорт менән татар. Беҙгә көндәшлек кәрәкме?

“Башҡортостан – мөмкинлектәр майҙаны” форумы ваҡытында үткән “Тиңдәрсә аралашыу” сиктәрендә республика етәксеһе Радий Хәбиров йәштәргә Башҡортостан менән Татарстандың ни өсөн көндәшлек итеүен аңлатты.

“Беҙ, ысынлап та, туғандаш республикалар. Беҙҙе бәйләгән нәмәләр күп, уртаҡ мәҙәниәт һәм тарих. Ә бер-береңде ярты һүҙҙән аңлаған ваҡытта, шунда уҡ үҙ-ара еңелсә шаяртып алыу теләге барлыҡҡа килә”, – тип һөйләне Радий Хәбиров.
Республика етәксеһенең һүҙҙәренә ҡарағанда, Башҡортостан һәр ваҡыт Татарстан менән күпмелер күләмдә көндәшлек шарттарында булды. Ә был иптәштәрсә ярышыу алға атлау өсөн этәргес булып тора.
Ысынлап та, ике республиканы берләштергән уртаҡлыҡтар байтаҡ. Етәкселәр ҙә халыҡтың тормошон яҡшыртыу өсөн үҙ-ара дуҫтарса ярышып эшләһендәр. Мөнәсәбәттәрҙең дуҫтарса көйләнеүе лә, кәрәк ваҡытта бер-береңә ярҙам итеү ҙә кәрәк.