Бөтә яңылыҡтар
Дөйөм мәҡәләләр
21 Февраль 2019, 17:44

Беҙҙе, йәғни ирҙәрҙе нисек һаҡларға? Рәсәйҙә ирҙәр үлеме хәүефле төҫ алды.

Рәсәй Һаулыҡ һаҡлау министры Вероника Скворцова билдәләүенсә, 2017 йылда илдә 317 500 хеҙмәткә һәләтле ир-ат вафат булған. Шул уҡ ваҡытта, эшләп йөрөгән ирҙәрҙең үлемендә күпселек осраҡта сифатһыҙ спиртлы эсемлектәр ҡулланыу сәбәпсе.

Инфаркт, инсульт арҡаһында 16 йәштән 59 йәшкә тиклемге 102000 ир вафат булған, бәхетһеҙлек осраҡтарында – 87 меңдән ашыу, яман шештән 42 мең самаһы ир-егеттең ғүмере өҙөлгән. Бынан тыш, ашҡаҙан сирҙәренән (26 мең), йоғошло ауырыуҙарҙан (20 мең), тын юлдары сирҙәре (12 мең) арҡаһында үләләр.

Ирҙәр үлеме Ингушетия, Чечня республикаларында, Ямал-Ненец автономиялы округында бик әҙ. Ә бына Псков, Новород, Тверь, Тула, Иванов өлкәләрендә был күрһәткес, киреһенсә, юғары.