Бөтә яңылыҡтар
Дөйөм мәҡәләләр
18 Февраль 2019, 17:30

Нисек йәшәйһегеҙ, Рәсәй төбәктәре? Эксперттар былтырғы күрһәткестәргә йомғаҡ яһай.

Рәсәйҙең ҡайһы төбәгендә йәшәүе уңайлыраҡ һәм еңелерәк? Был һорауға яуап эҙләүҙә ихтыяж да юҡ һымаҡ. Сөнки беҙ элек-электән Мәскәү, Санкт-Петербург ҡалаларында, Мәскәү өлкәһендә рәхәт йәшәүҙәренә күнеккәнбеҙ. Дөрөҫө шул булғас, ни хәл итәһең. Уларҙаң һуң, әлбиттә, Татарстан, Белгород өлкәһе, Краснодар крайы, Воронеж, ЮГРА, Липецк, Калининград өлкәләре. Ошо унау иҫәбендә етештереүҙең яртыһынан күбе, сауҙа әйләнешенең 40 проценты, шулай уҡ инвестицияларҙың 40 проценты тура килә.

Иң аҙаҡҡы ун төбәк иҫәбендә – Ҡабарҙы-Балҡар, Бүрәтстан, Йәһүд автономиялы өлкәһе, Ҡурған өлкәһе, Алтай, Ҡалмыҡстан, Ингушстан, Байҡал аръяғы крайы, Ҡарасәй-Черкес, Тыва республикалары.
Былтырғы күрһәткестәрен яҡшыртҡандар иҫәбендә Магадан, Амур, Мурманск, Ырымбур өлкәләре, Төнъяҡ Осетия һәм Сахалин. Ә бына Тамбов өлкәһе, Алтай крайы, Красноярск, Удмурстан, Сыуашстан йәшәү шарттарын байтаҡҡа түбәнәйткән.
Ә беҙҙең тыуған Башҡортостан нисәнсе урында һуң? Беҙ файҙаланған мәғлүмәт сығанаҡтары әлегә ентекле һәм тулы таблицаны тәҡдим итмәне. Фараз ҡылыуыбыҙса, беҙҙең республиканың урыны 15-тән түбән, уның ҡарауы, 25-тән юғарыраҡ булырға тейеш. Ни хәл итәһең, нисек йәшәйбеҙ, шундай урын биләйбеҙ.
Читайте нас в