Ағиҙел
-18 °С
Болотло
75 лет Победы
Бөтә яңылыҡтар
Дөйөм мәҡәләләр
13 Февраль 2019, 11:33

Рәсәй Президенты В. В. Путин Татарстан Президенты Рөстәм Миңлехановҡа ике тапҡыр киҫәтеү яһаған. Рәсәйҙә бер генә президент ҡалырмы?

Үткән шишәмбе Ҡаҙан ҡалаһында үткән Рәсәй Дәүләт советы ултырышы ике ваҡиға менән үҙенә иғтибарҙы йәлеп итте. Тәүгеһендә В. В. Путин һөйләгәндә ТР Президенты күршеһе менән һөйләшеп ултырған, ә икенсеһендә төп ултырыш мәлендә юҡҡа сыҡҡан.

Әлбиттә, бер Рәсәй өсөн ике президент күберәк, уларҙың береһе үҙ белдеге менән вазифаһынан баш тартырға тейеш һымаҡ. Ләкин күршеләрҙең арҡаһы ныҡ, мандатҡа тештәре-тырнаҡтары менән йәбешеп яталар. Оҙаҡламай, һайлау ҙа була, шикелле. Татарстандың Президенты “Ил башы”на әйләнерме, быныһын ваҡыт күрһәтер.
Ә инде, ысынға алған осраҡта, В. В. Путин менән Р. Н. Миңлехановтың мөнәсәбәттәре үтә яҡшы һәм ниндәйҙер “ойоштороу мәсьәләләре” ҡаралыуы бик шикле. Беҙ уйлап сығарған лаҡап түгел: бесәй ҙә килеп эләккән сысҡан менән уйнап алырға ярата бит.
Ә Дәүләт йыйылышында ҡаралған мәсьәләләр ифрат көнүҙәк ине. Әгәр улар тормошҡа ашһа, торлаҡ төҙөлөшөндә бығаса күрелмәгән ынтылыш яһаласаҡ. Йәл, дәүләт кимәлендәге эштәр ике киҫәтеү күләгәһендә өсөнсөмө, дүртенсеме кимәлгә күсте лә ҡуйҙы.