+20 °С
Болотло
Бөтә яңылыҡтар
10
Дөйөм мәҡәләләр
11 Февраль 2019, 10:49
Хәбиров барыһын да хәл итерме? Яуаплылыҡты урындағы властар ҙа үҙ өҫтөнә алырға тейеш.
Радий Хәбировтың республикаға етәкселек итә башлауына 4 ай ваҡыт үтеп тә китте. Күпселек үҙгәршетәрҙе күрә һәм ыңғай баһалай. Баһаламаҫлыҡ түгел, 7-8 йылдан һуң яңынан иң юғары власть халыҡ араһына сыҡты һәм уның һорауҙарын тыңлай, ихтыяждарына яуап бирә башланы. Ә халыҡтың һорауҙары күп. Әйтәйек, быға тиклем һәр ауылда ялған араҡы менән сауҙа итеү киң таралһа, халыҡ ҡырылһа, хәҙер был законһыҙлыҡ менән көрәш киң ҡолас алды һәм тәүге һөҙөмтәләр күренә.
“Инцидент” бығаса күренмәгән мөмкинлектәрҙе асты. Йәтеш бит, властың асыҡлығы шул кимәлгә күтәрелде, ҡараңғы урамдар, емерек күпер, һалҡын мәктәп, берәҙәк эттәр һ.б. хаҡында кис интернет аша хәбәр итәһең, ә иртән хакимиәт башлығы булмаһа, уның урынбаҫарҙары эшлекле һәм борсоуло йөҙ менән һөйләнә-һөйләнә мәсьәләне хәл итеп тә йөрөй. Элек булһа, хаттар яҙышып, мөнәсәбәттәр боҙоп, яуаплыны асыҡлап, әллә күпме “һауа һелкетерҙәр” ине.
Шулай ҙа сама белергә кәрәктер. Барлыҡ мәшәҡәттәр менән Радий Хәбировҡа мөрәжәғәт итеү кәрәкме икән? Урындағы власть был осраҡта нимә ҡарай?
Читайте нас:
