Ағиҙел
-15 °С
Болотло
75 лет Победы
Бөтә яңылыҡтар
Дөйөм мәҡәләләр
4 Февраль 2019, 10:41

Халыҡты ҡырыуҙы туҡтатырға! Ағыулы эсемлектәрҙе һатыуға ҡаршы көрәш ҡыҙа.

Республикала йәшәүселәрҙең күпселеге, ысынлап та, эскеселектең киң таралыуы айҡанлы, ысын мәғәнәһендә борсола. Республика етәксеһе Радий Хәбировтың “Һәр бәләкәй ауылға тиклем барып етәсәкбеҙ”, тигән саҡырыуын урындарҙа ҡабул иттеләр һәм тормошҡа ашыра башланылар.

Әлегә тегенән – ун шешә, бынан ике йәшник ялған араҡы алғандар, тигән ваҡ-төйәк хәбәрҙәр өҫтөнлөк итә. Һүҙ, үкенескә ҡаршы, ҙур булмаған күләмдәр хаҡында бара. Сөнки арзанлы һәм сифатһыҙ араҡы һатып, анһат ҡына аҡса һуғырға өйрәнгән алыпһатарҙар үҙҙәренең табышлы шөғөлөн юғалтмаҫҡа тырышасаҡ.

Ҡаҙағстандан, күрше өлкәләрҙән Башҡортостанға даими рәүештә сифатһыҙ араҡы килеп тора, уны һатыу юлдары һыналған һәм закон боҙоусыларҙы фашлауы еңел түгел.

Башҡа юл юҡ. Артабан да арымай-талмай көрәшергә, законлы юлдар менән эш итергә, яуаплылыҡҡа тарттырырға, күпләп штраф һалырға кәрәк. Штраф күләме араҡы һатыусыға башҡаса был юлға бармаҫлыҡ булырға тейеш.
Читайте нас в