Бөтә яңылыҡтар
Дөйөм мәҡәләләр
1 Февраль 2019, 12:30

Беҙ һайлаған юлдың дөрөҫлөгөн шик аҫтына ҡуйыусылар бар. Тик был хаҡта юлбашсылар үҙҙәре беләме икән?

Рәсәйҙә йәшәүселәрҙең күпселеге, йәғни, 45 проценты ил дөрөҫ юл менән бармай, тигән фекерҙә. Ә бына 42 процент дөрөҫ йәшәйбеҙ, ти. 13 процент нимә тип әйтергә белмәй.

Шуға ҡарамаҫтан, 64 процент В. В. Путиндың эшмәкәрлеген хуплай, 34 процент – хупламай. Хөкүмәт башлығы Д. А. Медведевтың эшен, киреһенсә, 33 процент – хуплай, 66 процент – хупламай.
Рәсәйҙәрҙең күпселеге Дәүләт Думаһының эшмәкәрлегенә кире ҡарашта. 64 процент – хупламай, 33 процент – хуплай.
Дөйөм Рәсәйҙә төбәк башлыҡтарының эшен халыҡтың 58 проценты ыңғай баһалай, 39 процент – кире ҡарашта.
Күпселек фекер йөрөтөүенсә, илдә социаль ғәҙелһеҙлек өҫтөнлөк итә, эш хаҡтары, пенсиялар артмай, Хөкүмәт халыҡтың тормошон яҡшыртыу өсөн бөтәһен дә эшләмәй.