Ағиҙел
-15 °С
Болотло
75 лет Победы
Бөтә яңылыҡтар
Дөйөм мәҡәләләр
31 Ғинуар 2019, 11:07

Мин һине Хәбировҡа яҙам! Белеп тор, минең кейәү компьютерҙы шәп белә.

Эскеселеккә һәм ялған спиртлы эсемлектәр һатыуға ҡаршы көрәш киң ҡоласлы барлыҡ халыҡ сараһына әйләнеүе бик ихтимал. Беҙҙеңсә, быға ғәжәпләнергә ярамай, әлеге сир күптәрҙең үҙәгенә үтте. Республика етәксеһе Радий Хәбировтың “Халыҡты ҡырыуҙы туҡтатырға ваҡыт!” тип, борсолоп, өндәшеүе күпселекте уятып ебәргәндәй булды. Урындарҙа хакимиәттәр аҡрынлап ҡуҙғала, үҙҙәренең биләмәләрендәге суррогат араҡы һатыусы йәшерен “нөктәләрҙе” барлай башланылар. Мәғлүмәт йәһәтенән алға киткәндәр компьютер, йәғни, “Инцидент” системаһына мөрәжәғәт итеүҙе мөрхәтһенһә, икенселәр туранан-тура Радий Хәбировҡа хәбәр ебәреүгә өҫтөнлөк бирә. Беҙгә шылтыратҡан, тик исемен, фамилияһын асырға теләмәгән кеше: “Беҙҙә лә өй аша араҡы һаталар. Хәбировҡа әйтергә ине, адресын бирегеҙ, минең кейәү компьютерҙы шәп белә”, – тине.

Әлбиттә, һәр нөктә менән республика етәксеһе шөғөлләнә алмай, уның башҡа эштәре лә етерлек. Беҙ район хакимиәтенә шылтыраттыҡ, әлегә яуап көтәбеҙ.
Тағы бер мөрәжәғәт ҡабул иттек, шылтыратыусы: “Аҡса булһа, эшләһә, кеше араҡы һатыу менән шөғөлләнмәҫ ине”, – тигән хәбәр һалды. Сәйер һылтау. Ә ялған араҡы һатып алған кешенең эше бармы? Ғаиләһе ни хәлдә? Балалары ас түгелме? Ошо хаҡта уйларға кәрәк.
Эскеселеккә ҡаршы элек тә көрәшә инек. Тик ул көрәш ҡағыҙҙа ғына барҙы һәм тейешле һөҙөмтә бирмәне. Шуныһы билдәле: беҙгә айнырға һәм эшкә тотонорға кәрәк.
О. Яровиков фотоһы.
Читайте нас в