Бөтә яңылыҡтар
Дөйөм мәҡәләләр
24 Ғинуар 2019, 11:26

“Инцидент” ҡурҡытмай, ул хәл итә. Башҡортостанда һуңғы осорҙа ялыуҙар һаны ике тапҡыр кәмегән.

Хәҙер Башҡортостанда ялыуҙарҙан ҡасмайҙар, киреһенсә, мөрәжәғәттәргә ҡаршы атлайҙар. Республика етәксеһе Радий Хәбиров билдәләүенсә, “Инцидент” системаһы власть менән кешеләр араһындағы мөнәсәбәттәрҙе көйләй. Ялыу, йәки, хәҙергесә әйтһәк, “Инцидент” яҙылыу менән интернетта теркәлә һәм мәсьәлә хәл ителгәнсе шунда эленеп тора. Яуаплы чиновник, мөрәжәғәттең ҡатмарлылығына ҡарап, сәғәттәр, йәки көндәр, иң артығы, аҙна эсендә етешһеҙлекте хәл итергә бурыслы.

Хәҙер һәр хакимиәт башлығы һәм уның урынбаҫарҙары эш көнөн “Инцидент” аша үҙҙәренең биләмәһендәге мөрәжәғәттәрҙе барлауҙан башлай. Хәҙер система ныҡлы таралыу тапты. Тәүге ике ай ярым эсендә алтмыш меңдән ашыу ялыу килгән, хәҙер бындай мөрәжәғәттәр ике тапҡырға кәмегән.
Фото интернет селтәренән алынды.