Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
21 Ғинуар 2019, 11:11

Башҡортостан – Мәскәү түгел, бында бүрек кейергә кәрәк. Ә сәс ағарыуына вазифа ғәйепле.

Республиканың яңы етәксеһе үҙенең ябайлығы, талапсанлығы һәм ихласлығы менән күпселектең ихтирамын яулап өлгөрҙө. Радий Хәбировтың көндәлек тынғыһыҙ эшмәкәрлеге менән ентекләп танышып барыусылар уның ҡаты һыуыҡтарҙа ла ялан баш йөрөүенә иғтибар итә. “Мәскәүҙә бүрекһеҙ йөрөп өйрәнгән, – тип һығымта яһай интернет ҡулланыусылары. – Ә беҙҙә ҡыштар һыуыҡ, һалҡын алдырыуың да бар”.

Әлеге күҙәтеүҙән шундай һығымта яһарға мөмкин: Хәбировты тормош ныҡ сыныҡтырған, тимәк, ул һыуыҡтарға ғына бирешерлек түгел. Өҫтәүенә, спорт менән ныҡлы шөғөлләнергә лә ваҡыт табалыр, тип фараз ҡылырға ҡала.
Үтә иғтибарлылар үткән йөҙ көн эсендә Радий Хәбировтың сәстәренең күҙгә күренеп салланыуын күҙ уңынан ысҡындырмай. Был осраҡта мәшһүр Рәшит Солтангәрәевтың: “Аҡ булһа ла, сәс бит әле ул”, – тигән һүҙҙәрен генә иҫкә төшөрөргә ҡала.
Фото интернет селтәренән алынды.