Бөтә яңылыҡтар
Дөйөм мәҡәләләр
18 Ғинуар 2019, 18:07

Рәсәйҙә театр йылы иғлан ителеүе менән бәйле, “Ағиҙел” һәм “Һәнәк” журналдары редакциялары театр-студия асырға ҡарар итте.

Ниәттәр аныҡ эштәр менән тормошҡа ашырыла. Әлегә студия Салауат Әбүзәровтың “Йорт аҫтында шартлатҡыс” һәм Рәлиф Кинйәбаевтың “Атай, мин – һинең ҡыҙың” комедияларын сәхнәгә сығарыу эштәрен башланы.

Редакция хеҙмәткәрҙәре фекеренсә, журналдарҙы уҡыусылар менән сәхнә тамашалары аша аралашыу матбуғатҡа яҙылыуҙы, баҫмаларҙы пропагандалауҙа ярҙам итергә тейеш. Бынан тыш, тамашаларҙы республиканың ҡала һәм райондарына сығырау ҙа отошло булыр ине. Тәүге сәхнә әҫәре апрелдә донъя күрер, тигән изге ниәт бар.