Ағиҙел
-18 °С
Болотло
75 лет Победы
Бөтә яңылыҡтар
Дөйөм мәҡәләләр
18 Ғинуар 2019, 11:08

Беҙҙең кеҫәне кем генә тырнамай. Газ һәм электр өсөн түләүҙәр үҙәккә үтте.

Зәңгәр экрандарҙа “Газ – милли ҡаҙанышыбыҙ” тигән рекламаны күргәс, күптәр мыҫҡыллы йылмайып ҡына ҡуя. Йәшәү кимәле, йәғни, эш хаҡы һәм пенсиялар түбән булғас, газ һәм электр өсөн түләү күпселек ғаиләләр өсөн бәләгә әйләнеп бара. Һүҙ ыңғайы шуны билдәләйек, газ һатыусы топ-менеджерҙарҙың йыллыҡ эш хаҡы 1 миллиард һумдан ашып китә.

Газ өсөн түләүҙәр Чечня халҡын да йонсота икән, түләнмәгән бурыстары 9 миллиард һумға еткән. Шул сәбәпле, Грозный мэры дүрт райондың башлығын эштән ебәргән. Район суды “Газпром”дың урындағы бүлексәһе тарафынан 9 миллиард һумды юҡҡа сығарыу хаҡында хөкөм ҡарары сығарған. Ҡарар урындағы прокуратураның сайтында донъя күргән. Суд урындағы “Газпром межригионгаз Грозный” дебитор бурысты, ваҡыты үтеү сәбәпле, юҡҡа сығарыу хаҡында законды үтәмәгән, тип тапҡан.
Чечняла ҡыш өҫтөндә күп балалы ғаиләләрҙең фатирҙарынан газды өҙөү осраҡтары булған.
Әйткәндәй, Рамзан Ҡадыровтың атаһы исемен йөрөткән мәрхәмәтлек фонды былтыр ураҙа ваҡытында өс мең аҙ килемле ғаиләнең электр энергияһы өсөн бурысын түләгән.