Бөтә яңылыҡтар
Дөйөм мәҡәләләр
28 Декабрь 2018, 17:26

Стәрлетамаҡта хәҙер боҙ майҙансыҡтарын ҡәберҙән ҡырҡылған шыршы менән биҙәмәйҙәр... Уның ҡарауы, самаһын юғалтҡан чиновник кешеләргә “мал-тыуар”, “ҡош-ҡорт”, тип өндәшә.

Мәскәүҙә РФ Президенты В. В. Путинға Стәрлетамаҡ ҡала хакимиәтенең бүлек начальнигы Илгиз Еналиев өҫтөнән яҙылған ялыуҙы тикшерәләр. Чиновник “Бәйләнештә” социаль селтәрендә үҙенең сәхифәһендә “Яҡынлашып килгән Яңы йыл менән, хөрмәтле яҙылыусылар һәм “Бәйләнештә”ге башҡа мал-тыуар” ¬– тип, комментарий ҡалдырған. Аңлайышлы булһын өсөн төп нөсхәһендә бирәбеҙ: “С наступающим Новым годом, уважаемые подписчики и прочая живность, населяющая ВК! С уважением, Ильгиз Еналиев, начальник отдела по взаимодействию с общественными институтами администрации г. Стерлитамак. 16 декабря, в 22:51”. Дөрөҫ булһа, хәтәр бит! Яңы ғына

Һамар өлкәһенән министр пенсионерҙарға макарондар ашарға кәңәш иткәйне, Екатеринбург өлкәһенән икенсе ханым йәштәрҙе: “Һеҙгә бала табырға берәү ҙә ҡушманы, ул – һеҙҙең эшегеҙ”, – тип, аптыратты. Стәрлетамаҡ түрәһе үҙенең уйлағанын сәхифәгә төшөрөп, карьераһы менән уйнамаймы икән? Әллә үҙенең эш хаҡы ошо мал-тыуарҙан йыйылған һалым иҫәбенә түләнеүен белмәйме? Ҡайҙан килә бындай тәккәберлек һәм эрелек?