Ағиҙел
-18 °С
Болотло
75 лет Победы
Бөтә яңылыҡтар
Дөйөм мәҡәләләр
25 Декабрь 2018, 16:17

“Салауат Юлаев” тағы ла еңелде. Уйындан һуң хоккейсылар йоҙороҡтар ярҙамынды үҙ-ара мөнәсәбәт асыҡлаған.

Дөмбәҫләшеү бер кемдең дә еңмәүе менән тамамланған. “Локомотив” Өфөгә ике төп уйынсыһынан башҡа килгәйне. Шулай ҙа бик көслө уйын күрһәтте. Тәүге өс период 3:3 менән тамамланды, овертаймда тимер юлсылар көслөрәк булып сыҡты. “Салауат Юлаев”тың көйәрмәндәре, асыуланып, һөйләнә-һөйләнә таралыштылар.

Уның ҡарауы юлаевсыларҙың бүлмәһендә команда капитаны Григорий Панин менән һөжүмсе Владимир Ткачёв сәкәләшеп китә. Капитан һөжүмсене насар уйнауҙа ғәйепләй. Дөрөҫ әйтә, сөнки, Ткачёв иң һуңғы һәм берҙән-бер шайбаһын 14 сентябрҙә “Аҡ Барс”ҡа индергән. Ундай ялҡауҙарҙы беҙҙең колхозда тотмай, аҡса ла түләмәй торғайнылар. Өс ай буйы бер мәрәй ҙә алмаған уйынсы кемгә кәрәк икән? Хәйер, ир-ат үҙ-ара сәкәләшһә лә, уртаҡ телде тиҙ таба торған.