Ағиҙел
-18 °С
Болотло
75 лет Победы
Бөтә яңылыҡтар
Дөйөм мәҡәләләр
21 Декабрь 2018, 11:56

Рәсәйҙең һәм Башҡортостандың төп законына – 25 йыл.

“Торатау” конгресс-холлында Рәсәй Федерацияһы һәм Башҡортостан Республикаһы конституцияларына 25 йыл тулыу айҡанлы конференция һәм тантаналы йыйылыш үтте. Мөһим сәйәси сара айҡанлы йыйылыусылар алдында Дәүләт йыйылышы – Ҡоролтай рәйесе К.Б. Толкачёв сығыш яһаны. – Иң мөһиме шул, беҙ ике конституцияны бер-береһенән айырып ҡарамайбыҙ, – тип билдәләне ул, – Башҡортостан Конституцияһы Рәсәйҙең төп законынан үҫеп сыҡты, мөһим йүнәлештәр төбәк үҙенсәлектәрен иҫәпкә алып үҫеште һәм тулыланды.

Заманында конституциялар етди тәнҡиткә дусар булды, яңыһын ҡабул итеү хаҡында ла тәҡдимдәр ишетелде. Нисек кенә булмаһын, Рәсәй һәм Башҡортостан ошо төп закондар сиктәрендә үҫешә һәм нығына.