Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
20 Декабрь 2018, 12:51

Советтар Союзын юҡһыныусылар күбәйә бара. Әллә СССР дәүерендә ысынлап та насар йәшәмәнекме икән?

Һуңғы осорҙа үткәрелгән халыҡ фекерен өйрәнеү ҡыҙыҡлы мәғлүмәттәр бирҙе. Бынан бер нисә йыл элек Советтар Союзындағы тормошто һағыныусылар һаны 50 процент самаһы тәшкил итһә, бөгөн ундайҙар иҫәбе 66 процентҡа еткән.Һағыш менән йәшәүселәр төп дәлил итеп социаль өҫтөнлөктәрҙе – сағыштырмаса арзан тормош, пенсия аҡсаһына йәшәп булыуҙы килтерә.

Алыҫтағы яҡшыраҡ күренә, тигән һымаҡ, элек яҡшы булғанмы, әллә хәҙерме, һорауына дөрөҫлөктө билдәләүе ауыр. Эйе, ауылдағылар колхозды һағына, ҡалалағыларҙың төшөнә 2 һум 20 тинлек колбаса инә. Хәҙер ҡоролош үҙгәреүҙән кем тапҡан, кем юғалтҡан – әйтеүе ҡыйын. Шуныһы мәғлүм, социализмда ла, коммунизмда ла, капитализмда ла йәшәп ҡараныҡ, барыбер үҙеңә эшләргә, көс һалырға тура килә.