Ағиҙел
-24 °С
Болотло
75 лет Победы
Бөтә яңылыҡтар
Дөйөм мәҡәләләр
20 Декабрь 2018, 12:41

Әллә еңелеүҙәрен оноттолармы икән?

Германия Рәсәйгә Бөйөк Ватан һуғышы йылдарында зыянды ҡаплатыу иҫәбенә Советтар Союзына сығарылған мәҙәни ҡомартҡыларҙы кире ҡайтарыуҙарын һорап мөрәжәғәт итте.Эйе, ысынлап та, шулай. Был хаҡта ике ил араһында һөйләшеүҙәр байтаҡ йылдар бара. Германия төп дәлил итеп 1907 йылғы Гаага ҡағиҙәләренә ярашлы хәрби юғалтыуҙарҙы мәҙәни ҡомартҡылар иҫәбенә ҡапларға ярамай, тип иҫбатлай.

Ә Советтар Союзы күргән зыян әле булһа тулы кимәлдә иҫәпләнмәгән. Етмәһә, СССР үҙе лә тарҡалып ҡуйҙы. Германия тап ошо үҙгәрештәрҙе үҙ мәнфәғәтендә файҙаланмаҡсы. Тағы шуныһы: Германиянан сығарылған мәҙәни байлыҡтар шәхси мөлкәткә ҡарай. Ә халыҡ-ара хоҡуҡ ҡағиҙәләре буйынса шәхси мөлкәт ил мәнфәғәтендә зыянды ҡаплатыу йөҙөнән файҙаланылмай. СССР территорияһында таланған һәм Германияға сығарылған, йәшерелгән тарихи байлыҡҡа ҡағылмай, сөнки был мөлкәт ҡасандыр айырым кешеләрҙеке булған һәм дәүләт файҙаһына тартып алынған, тип раҫлай немецтар.
Хәҙер нисек килеп сыға инде? Былар ата-бабалар яулап алған ҡомартҡыларҙы ғына түгел, Еңеүҙе тартып алмаҡсы булалар түгелме һуң?!
Читайте нас в