Бөтә яңылыҡтар
Дөйөм мәҡәләләр
18 Декабрь 2018, 10:21

Стәрлетамаҡтың алтын ҡала тигән даны бар... ине. Ҡалалағы ҡырағайлыҡтың Рәсәй кимәленә сығыуы бик ихтимал.

Барлыҡ халыҡ Яңы йыл мәшәҡәттәре менән көн итә. Аҙыҡ-түлек, байрамдар һәм, әлбиттә, Яңы йыл шыршыһы. Ҡаланың Строймаш биҫтәһендә бик матур шыршы барлыҡҡа килә. Байрам майҙансығын төҙөүселәр һәм яуаплылар бик ҡәнәғәт. Арзан ғына хаҡҡа мәңге йәшел шыршы килеп ултырһын әле!

Ә шыршы ҡайҙан һуң? Был хаҡта әйтеүе лә уңайһыҙ. Хеҙмәткәрҙәр шыршыны эргәләге зыяраттан, теүәлерәк әйткәндә, заманында Стәрлетамаҡты матурлау өсөн күп көс һалған, атҡаҙанған архитектор Юрий Подрядовтың ҡәберенән ҡырҡып алып, килтергәндәр.
Был хаҡта боҙ майҙансығын төҙөүселәр белмәгәндер. Ләкин ошондай бер ҡатлы аҡланыу ҡабул ителерме? Яуаплы хеҙмәткәрҙәр шыршыны тураҡлап, сүплеккә ташлауҙан башҡа бер әмәл дә таба алмаған.
Майҙансыҡта хәҙер элеккеһенән дә ҙурыраҡ шыршы ултыра, тиҙәр. Бирһен хоҙай, урмандан килтерелгән булһа ярай ҙа бит. Тик был ғына ғәйеплеләрҙе аҡлармы икән?
Читайте нас в