Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
18 Декабрь 2018, 14:54

Башҡортостандың бөгөнгө етәксеһе Радий Хәбиров йәмғиәткә аныҡ аңлайышлы ишаралар еткерҙе. Беҙ татыу йәшәргә һәм берҙәм булырға бурыслы.

Бөгөн Башҡортостан Башлығы Радий Хәбиров Дәүләт йыйылышы – Ҡоролтайға үҙенең тәүге мөрәжәғәтнамәһе менән сығыш яһаны. Етәксе үҙенең иң тәүге һүҙҙәрендә үк республиканың беренсе Президенты Мортаза Рәхимовҡа һәм унан һуң килгән Башлыҡ Рөстәм Хәмитовҡа рәхмәт һүҙҙәре менән мөрәжәғәт итте.

– Мортаза Ғөбәйҙулла улына мин тәрән ихтирам менән ҡарайым, – тине Радий Хәбиров.
Был һүҙҙәрҙе Конгресс-Холл-Торатауҙың залында ултырған меңгә яҡын кеше алҡыштар менән ҡаршы алды һәм үҙенең хөрмәтен аяғүрә баҫып белдерҙе. Республика Башлығы йылы һүҙҙәрҙе Рөстәм Хәмитов өсөн дә тапты. Башлыҡ вазифаһын башҡарыусының беренсе мөрәжәғәтнамәһе үҙенең ябайлығы, зал менән үҙ-ара бәйләнеш шарттарында барыуы, аңлайышлылығы менән айырылып торҙо. Бер сәғәткә яҡын барған телмәрҙе залдағылар тиҫтәләрсә тапҡыр алҡыштар менән хуплауын белдерҙе. Хәҙер күмәк көс менән мөрәжәғәтнамәлә күтәрелгән мәсьәләләрҙе тормошҡа ашырыу мөһим.