Һайранда ихлас һәм һағышлы осрашыуҙар. Радий Хәбиров тыуған ауылында булды.

Республика етәксеһе вазифаһына тәғәйенләнгәндән һуң үткән ике айҙан күберәк ваҡыт эсендә иң ихлас һәм хәтирәле осрашыу булғандыр быныһы. Ишембай районының Һайран ауылында үҙҙәренең бөтә Рәсәйгә билдәле яҡташтарын күптән көтәләр ине. 1964 йылдың 20 мартында тап ошо ауылда буласаҡ дәүләт эшмәкәре һәм Башҡортостан етәксеһе донъяға килгән. Был хаҡта бер нисә сәғәт элек Ишембай ҡалаһының иҫкереп бөткән балалар тыуҙырыу йортонда Радий Фәрит улы үҙе лә иҫкә төшөргәйне инде. “Мине кендек әбейе ҡабул иткән, – тип һөйләне ул, – әйтеүҙәренсә, аяҡтарым менән алға тыуғанмын. Табиптар әйтеүенсә, бик үк ыңғай күренеш түгел. Уның ҡарауы, бик йүгерек һәм хәрәкәтсән булыуға ишара”.

Радий Хәбиров социаль селтәрҙәге үҙенең сәхифәһендә: “Өс йыл тыуған ауылымда булғаным юҡ. Эш сәфәренең маршрутын Һайран аша үткәреүгә бик ҡыуандым. Ауылдаштарҙың мәшәҡәттәре шул уҡ. Дөрөҫ, хәҙер улар минең менән нисектер уңайһыҙланып, тартынып ҡына һөйләшә. Шулай ҙа беҙҙең кешеләр, айырыуса ауылда, баҫалҡы һәм намыҫсан. Ә хәҙер, етмәһә, миңә уйларға кәрәк, нисек итеп йомоштарын үтәүҙән баш тартып, яҡташтарҙы рәнйетмәҫкә, ярҙам итеп булһа, нисек республиканың башҡа кешеләренә зыян килтермәҫкә. Уйлауымса, булдырырбыҙ”, – тип яҙып ҡуйған бөгөн.

– Һөйләгеҙ, нисек йәшәйһегеҙ, ниндәй мәшәҡәттәрегеҙ бар, нисек һеҙгә ярҙам итергә? – тип өндәште Радий Хәбиров үҙенең ауылдаштарына.

– Фельдшер-акушер пункты, газ үткәрергә, урамдарҙы яҡтыртырға, юлдарҙы төҙөкләндерергә, – тип һанап китте һайрандар, уңайһыҙланып ҡына. – Эш урындары юҡ, ирҙәр ҡалаға эшкә китә, йә Себерҙә вахтала, ай ярым өйҙә булғандары юҡ.

Республика етәксеһе ауылдаштарын иғтибар менән тыңланы, үтенестәрен бер программаға туплауҙарын һораны. Һайрандың социаль проблемаларын хәл итеү тулы кимәлдә тормошҡа ашырыласаҡ.

– Тыуған ауылыма иғтибар бүлергә теләйем, ул минең тыуған ерем, минең улар алдында бурысым бар. Башҡалар үпкәләй күрмәһен. Бында ҙур малсылыҡ фермаһы төҙөтөү тураһында ҡарар ҡабул иттем, тимәк, эш урындары ла буласаҡ, ¬– тине Радий Хәбиров.

Башҡортостан башлығы мәрхүм атаһы Фәрит Барый улы директор булып эшләгән мәктәптә лә керҙе. Мәктәп директоры һәм уның ҡатыны Разия Исхаҡ ҡыҙы һайрандар күңелендә йылы һәм яҡты эҙҙәр ҡалдырған. Улар сәсеп ҡалдырған изгелек орлоҡтары бөгөн мул уңыш бирә. Мәктәп директоры, хәтерләүҙәренсә, бик яҡшы күңелле һәм тәүәккәл кеше булған. Фәрит Барый улы иҫке ағас мәктәп урынына кирбестән өр-яңыны төҙөткән. Радий Хәбировҡа атаһы төҙөткән мәктәптә уҡырға тура килмәй, уға алты йәш тулғанда ғаилә Ишембай ҡалаһына эшкә күсерелә. Радий Фәрит улы Ишембай ҡалаһының 11-се мәктәбен тамамлай. Һайран мәктәбендә элекке директорҙың һәм уның ҡатынының яҡты иҫтәлеген онотмайҙар. Ошонда уҡ Фәрит Барый улы яҙған “Минең ғүмеремдең бәхетле йылдары” тигән китап бар. Республика етәксеһе стенд менән һүҙһеҙ генә танышты, күрәһең, ошонда үткәргән бәхетле йылдарын, баҡыйлыҡҡа күскән атаһы менән әсәһен иҫкә төшөргәндер.

– Ә бына Һайран мәктәбен тамамлаған атаҡлы кешеләр, мәҫәлән, Зөфәр Йәдкәр улы Мортазин. Заманында республиканың һаулыҡ һаҡлау министры булып эшләне. Ҙур тәжрибәгә эйә етәксе, уның кәңәштәренә мин әле лә ҡолаҡ һалам, – тине Радий Хәбиров.

Совет урамындағы ябай ғына йортҡа килдек. Бында Радий Хәбиров тыуған һәм ҡалаға күскәнсе ошонда йәшәгән. Бөгөн был йортта хеҙмәт ветерандары Йәзилә Хафиз ҡыҙы менән Ғаяз Ғайса улы Яҡуповтар йәшәй.

Сәй эскән арала ауыл тарихын, хәҙерге республика етәксеһенең бала сағын иҫкә төшөрҙөләр.

– Әле лә хәтерләйбеҙ,– тиҙәр ауылдаштар. – Кескәй генә Радий тәҙрә эргәһендә әсәһе Разия Исхаҡ ҡыҙының мәктәптән ҡайтҡанын көтә. Уны бик яраталар ине, ни тиһәң дә, өсөнсө ул, төпсөк малай. – Тинеләр һайрандар, хәтирәләргә бирелеп.

Ике-өс сәғәт ваҡыт үтте лә китте. Шуға иғтибар итте һайрандар, ауылдаш һис тә үҙгәрмәгән, атаһы һәм әсәһе һымаҡ ихлас, ябай һәм ярҙамсыл.

Азат ҒИЗЗӘТУЛЛИН.

Читайте нас:

© 2024 Сайт издания "Агидель"
Издатель: Государственное унитарное предприятие Республики Башкортостан Издательский дом
«Республика Башкортостан».
Адрес: 450079, Республика Башкортостан, г. Уфа, ул. 50-летия Октября, 13.

Журнал зарегистрирован Управлением Федеральной службы по надзору в сфере связи, информационных технологий и массовых коммуникаций по Республике Башкортостан
(Управлением Роскомнадзора по Республике Башкортостан).
Свидетельство ПИ № ТУ 02-01565 от 31.10.2016 г.
Журнал Башҡортостан Республикаһының Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттә теркәлде.
Таныҡлыҡ ПИ № ТУ 02-01565 31.10.2016 йылдан.

Редакция хеҙмәткәрҙәре
Мөнир Сәхиулла улы ҠУНАФИН - баш мөхәррир
Әхмәр ҒҮМӘР-ҮТӘБАЙ - баш мөхәррир урынбаҫары
Луиза КИРӘЕВА - яуаплы сәркәтип
Гөлнара ХӘЛФЕТДИНОВА - бүлек мөхәррире
Салауат ӘБҮЗӘР - бүлек мөхәррире
Илнур ЮЛБАРЫҪОВ - бүлек мөхәррире
Миңзәлә АСҠАРОВА - сайт буйынса өлкән мөхәррир
Дилбәр ИШМОРАТОВА - өлкән корректор
Фәрзәнә ТУЛЫБАЕВА - биҙәлеш мөхәррире

Мөхәрририәт
Айгиз БАЙМӨХӘМӘТОВ
Таңсулпан ҒАРИПОВА
Гөлсирә ҒИЗЗӘТУЛЛИНА
Неля ҒӘЙНЕТДИНОВА
Тамара ҒӘНИЕВА
Әхмәр ҒҮМӘР-ҮТӘБАЙ
Йомабикә ИЛЬЯСОВА
Луиза КИРӘЕВА
Зөлфиә ХАННАНОВА
Гөлнара ХӘЛФЕТДИНОВА
Салауат ӘБҮЗӘР
Әмир ӘМИНЕВ
Азамат ЮЛДАШБАЕВ
Гөлнур ЯҠУПОВА

Банкта беҙҙең реквизиттар: журнал «Агидель», ИНН:0278066967/КПП027843012
БИК:048073770
к/с 30101810600000000770
р/счет №40602810200000000009
Филиал ПАО “БАНК УРАЛСИБ” в г. Уфа

Телефон

8(347)2-92-77-66

Электрон почта

[email protected]

Адресы

г. Уфа, ул. 50 лет Октября, 13, 5-й этаж

Реклама хеҙмәте

8(347)2-92-77-66

Редакция

8(347)2-92-77-66

Ҡабул итеү бүлмәһе

8(347)2-92-77-66