Бөтә яңылыҡтар
Дөйөм мәҡәләләр
12 Декабрь 2018, 16:39

“Конгресс-холл”ды “Торатау”, тип эҙләгеҙ. Өфөнөң иң ҙур һәм сәйәси яҡтан әһәмиәтле бинаһына яңы исем бирелде.

Республика етәксеһе Радий Хәбировтың указы менән хәҙер “Конгресс-холл” “Конгресс-холл Торатау” тип йөрөтөләсәк. Был указдың әһәмиәте шунда, беҙҙеңсә, Торатау ошо көндән башлап сәйәси яҡлап та яҡлау менән тәьмин ителәсәк.

Тәбиғәт ҡомартҡыһын һаҡлау маҡсатында Радий Хәбиров Ишембай һәм Стәрлетамаҡ райондарында “Торатау” геопаркы ойоштороу тураһында указға ҡул ҡуйҙы. Геопарк үҙ эсенә Торатауҙы ғына түгел, Йөрәктауҙы ла ала, бында тикшеренеү эштәре ойоштороласаҡ, туризмды үҫтереү өсөн шарттар булдырыласаҡ. Шулай уҡ Башҡортостан Фәндәр академияһы Рәсәй Фәндәр академияһы менән бергә “Торатау” геопаркын ЮНЕСКОның бөтә донъя мираҫы объекттары исемлегенә индереү өсөн саралар планы төҙөйәсәк.