Бөтә яңылыҡтар
Дөйөм мәҡәләләр
6 Декабрь 2018, 18:08

Ярай, серҙе асабыҙ. Өфөлә иң юғары эш хаҡына лайыҡ профессияларҙы иғлан итәбеҙ.

Баш ҡалала эш урындарын, эш өсөн түләү, хеҙмәт баҙарындағы өҫтөнлөклө йүнәлештәр хаҡында тулы мәғлүмәт интернет селтәрҙәрендә даими донъя күреп тора.

Барлыҡ донъялағы һымаҡ мәғлүмәт технологиялары (IT сфера) өлкәһендә тир түгеүселәр уртаса 52100 һум эш хаҡы ала. Икенсе урында 45700 һум менән транспортсылар һәм йөк ташыуҙы ойоштороусылар, өсөнсө – етештереү өлкәһендә – 42800. Артабан төҙөлөш һәм күсемһеҙ милек менән идара итеү – 40400, сауҙала – 39400, финанстарҙа – 39100, банктар – 38100, маркетинг – 34800. Персонал менән идара итеү тармағында эшләүселәр 34200 һумға иҫәп тота ала. Шулай итеп, уртаса эш хаҡы 40800 тәңкә тәшкил итә. Эш хаҡы юғары, ләкин Мәскәү менән сағыштырғанда, буйтым ҡайтыш. Мәскәүҙә – 64600. Санкт-Петербургта – 50500, Екатеринбургта – 44000. Күреп тораһығыҙ, эш хаҡы теләк буйынса түгел, һәләткә ҡарап түләнә.