Бөтә яңылыҡтар
Дөйөм мәҡәләләр
6 Декабрь 2018, 12:48

Радий Хәбировтың ҡатыны Каринэ Хәбирова Саҡмағош районында ҡаҙ өмәһендә ҡатнашты.

Ҡар яуыу менән, республикабыҙҙың башҡорт һәм татар ауылдарында ҡаҙ өмәләре башланды. Саҡмағош районының Ҡалмашбаш ауылындағы өмәлә урындағы хужабикәләр менән бергә Каринэ Хәбирова ла ҡаҙ йолҡто, шартына килтереп, ҡаҙ йөнөнән мендәр тултырҙы, йылғаға түшкәләрҙе сайҡатырға барҙы, һуңынан ойошторолған байрамдың уртаһында булды.

“Өлгөргән түшкәнең мамығын йолҡоу еңел эш түгел икән! Күңелле йырҙар менән көнө буйы кинәнеп эшләргә мөмкин. Саҡмағоштарға, айырыуса Зиннәтуллиндар ғаиләһенә йомарт һыйҙары, милли ғаилә йолалары менән таныштырғандары өсөн рәхмәт”, – тип яҙған Каринэ Хәбирова үҙенең интернеттағы сәхифәһендә.