Бөтә яңылыҡтар
Дөйөм мәҡәләләр
6 Декабрь 2018, 11:28

Башҡортостандың беренсе Президенты Мортаза Рәхимовты Өфө ҡалаһы хакимиәтендә ҡабул иттеләр. Беренсе Президент ҡала башлығы Өлфәт Мостафинды ҡотланы һәм уңыштар теләне.

Осрашыуҙа Өфө ҡалаһын үҫтереү, проблемаларын хәл итеү, төҙөкләндереү һымаҡ мөһим мәсьәләләр ҡаралды. Өлфәт Мостафин Мортаза Ғөбәйҙулла улын киләсәктә төҙөләсәк мөһим объекттар менән таныштырҙы, пландары менән уртаҡлашты.

Яҡын йылдарҙа Өфөлә халыҡ-ара кимәлдәге мөһим саралар үткәреләсәк, тимәк, ҡаланы биҙәү, ошонда йәшәүселәр һәм ҡунаҡтар өсөн уңайлы итеү йәһәтенән ифрат күп эшләргә тура киләсәк. Бер ыңғай “Әр-Рахим” мәсетен төҙөүҙе дауам итеү һәм шул биҫтәне төҙөкләндереү мәсьәләһе ҡаралғандыр, тип уйларға нигеҙ бар.