Бөтә яңылыҡтар
Дөйөм мәҡәләләр
3 Декабрь 2018, 14:29

Радий Хәбиров Рөстәм Мәрҙәновты Салауат Юлаев ордены менән наградланы.

Бөгөн Республика Хөкүмәтенең оператив кәңәшмәһендә Радий Хәбиров Хөкүмәт премьер-министры Рөстәм Мәрҙәновтың икенсе эшкә күсеүе хаҡында белдерҙе.

Хөкүмәт рәйесенең отставкаға китеүе һәм Рәсәй Үҙәк банкы системаһында юғары вазифа тәҡдим ителеүе хаҡында мәғлүмәттәр үткән аҙналарҙа уҡ күренеп ҡалғайны.
Республика Башлығы вазифаһын башҡарыусы Радий Хәбиров: “Мин, дөрөҫөн әйткәндә, уны өгөтләп ҡарағайным. Уның Рәсәй Федерацияһы Үҙәк банкында эшләүе республика өсөн дә мөһим. Оҙаҡламай уның юғары кимәлдә тәғәйенләнеүе хаҡында белербеҙ, тип уйлайым. Мин һеҙгә яҡшы эшегеҙ, оҙаҡ йылдар ҙур республиканың тормошон ойоштороуығыҙ өсөн рәхмәт белдерәм”, – тине.
Әлегә премьер-министр яуап биргән тармаҡтарҙы урынбаҫарҙар араһында бүлеү ҡаралған. Хөкүмәт рәйесе вазифаһын, күҙәтеүселәр билдәләүенсә, республиканың әлеге етәксеһе үҙ иңенә алыуы бик ихтимал.