Ағиҙел
-18 °С
Болотло
75 лет Победы
Бөтә яңылыҡтар
Дөйөм мәҡәләләр
3 Декабрь 2018, 11:13

Өфөгә Джефф Монсон килде. Ябай кеше түгел, көрәшсе, аҡыллы егет, Радий Хәбировтың дуҫы.

Бәлки, белмәүселәр барҙыр, Америка көрәшсеһе Джефф Монсон бер нисә йыл элек Рәсәй гражданлығын алды. Быйыл иһә, Башҡортостанға ҡайтҡансы Радий Хәбиров башлыҡ булып эшләгән Красногорск ҡалаһы советы депутаты булып һайланып өлгөрҙө. Тимәк, Джефф хәҙер беҙҙә йыш буласаҡ. Был килеүендә спортсы балалар өсөн мастер-класс үткәрергә, тамашасылар менән осрашырға, хоккей матчын (уңмағандар, беҙҙекеләр әпәт еңелде!) ҡарарға өлгөрҙө, әлбиттә, республика етәксеһе Радий Хәбиров менән осрашты.

Был хаҡта республика Башлығы вазифаһын башҡарыусы “Инстаграм”да сәхифәһендә: “Күптәр өсөн ул ҙур спортсы һәм ифрат популяр көрәшсе. Ә минең өсөн, шулай килеп сыҡты, ул, өҫтәүенә, ысын дуҫ, бына тигән аҡыллы егет, изге йөрәкле ҙур сабый, унда Рәсәйгә һәм россияндарға бик күп ихлас һөйөү”.
Читайте нас в