Бөтә яңылыҡтар
Дөйөм мәҡәләләр
3 Декабрь 2018, 10:05

Башҡорт егете Ҡаҙанды шаҡ ҡатырҙы. Радик Юлъяҡшиндың концертын тыйырға теләүселәр ҙә табылды.

Татарстандың баш ҡалаһының иң ҙур концерт майҙанында ун меңгә яҡын тамашасы Элвин Грей – Радик Юлъяҡшинды сәләмләне. Ун меңләп тамашасы йондоҙға ҡушылып йырланы, бейене һәм уны алҡышланы. Концертта Радик нәзәкәтле татар тамашасыһын һоҡландырып иң уңышлы йырҙарын башҡарҙы, өр-яңыларын тәҡдим итте. Эльбрус Джанмирзоев һәм Бабег Мамедрзаев Элвин Грейға ярҙамға килгәйне.

Ә бер нисә көн элек кенә был тамашаны тыйыу тураһында ла һүҙҙәр сыҡҡайны. Бер төркөм социаль селтәрҙәр аша йырсыға ҡаршы петицияға ҡултамғалар йыя башлағайны. Радиктың йырҙарынан етешһеҙлектәр табыусылар ҙа килеп сыҡты. Ләкин халыҡ һөйөүе көслөрәк булып сыҡты, әйтеүебеҙсә, концерт ҙур уңыш менән үтте. 8 декабрҙә йондоҙло яҡташын талапсан Өфө тамашасыһы көтә. Ун меңдән ашыу тамашасыға иҫәпләнгән “Өфө-Арена” стадионында билеттар күптән һатылып бөткән, алыпһатарҙар 3-4 хаҡына тәҡдим итеп йөрөйҙәр. Рәхим итегеҙ, әгәр билет таба алһағыҙ.
Читайте нас в