Бөтә яңылыҡтар
Дөйөм мәҡәләләр
30 Ноябрь 2018, 12:22

Ауыл дауаханалары табиптарға мохтаж. Иң анһат юлы – белгес юҡлыҡҡа һылтанып, дауахананы ябып ҡуйыу.

Быйылға тиклем ҡулайлаштырыу байрағы аҫтында байтаҡ һаулыҡ һаҡлау учреждениеһына йоҙаҡ эленде, халыҡ медицина ярҙамынан мәхрүм ҡалды, ялыуҙар күбәйҙе. Республика етәксеһе Радий Хәбиров бындай зыянлы эш алымынан баш тартырға, халыҡҡа ярҙам күрһәтеүҙе яйға һалырға саҡырҙы. Уның күрһәтмәһе буйынса “Земский доктор” программаһын тормошҡа ашырыу өсөн республика бюджетынан 2019 йылда илле миллион һум аҡса бүленәсәк. Киләсәктә ауылға эшкә барасаҡ табиптар һаны йөҙҙән ашырға тейеш.

Шулай ҙа, һорау бар: Өфөләге Башҡорт дәүләт медицина университетын меңдән ашыу кеше тамамлай, уларҙың күбеһе ҡаҙна иҫәбенә уҡытыла, белгестәр йүнәлеш буйынса ҡабул ителә, һуңынан улар ҡайҙа юғала?
Радий Хәбиров: “Мин Рәсәй Федерацияһы субъектының етәксеһе булараҡ, төбәк территорияһында барған һәр бер ваҡиға өсөн яуаплылыҡты үҙ өҫтөмә алам. Шундай уҡ талапты муниципалитет башлыҡтарына ла ҡуям, яуаплылыҡты үҙ өҫтөгөҙгә алығыҙ. Айырыуса, һаулыҡ һаҡлау һымаҡ, республика өсөн ифрат нескә һәм киҫкен өлкәлә яуаплылыҡ юғары булырға тейеш”, – тине.
Читайте нас в