Бөтә яңылыҡтар
Дөйөм мәҡәләләр
29 Ноябрь 2018, 14:08

Инвестициялар урап үткән төбәк үҫешкә иҫәп тота алмай. Башҡортостанда яңы заводтар барлыҡҡа килерме?

Һуңғы дәүерҙә республикабыҙға инвесторҙар килмәй башланы. Тимәк, яңы етештереү объекттары төҙөлмәй, эш урындары барлыҡҡа килмәй, һалымдар түләнмәй, ә бына халыҡтың йәшәү кимәле насарлана бара. Бындай шарттарҙа яңы хакимиәткә инвесторҙарҙы йәлеп итеүҙе яҡшыртыу, уларға уңайлыҡтар барлыҡҡа килтереү һымаҡ ылыҡтырғыс ойоштороу саралары күрергә тура килә.

Радий Хәбиров, инвестициялар йәлеп итеүҙе яйға һалыу маҡсатында, Республика Башлығының Хакимиәте етәксеһе Александр Сидякинды ошо тармаҡ өсөн яуаплы итеп тәғәйенләне. Александр Сидякин шулай уҡ Иҡтисади үҫеш министрлығына һәм Республика үҫеше корпорацияһына кураторлыҡ итеүе ихтимал.
Радий Хәбиров билдәләүенсә, инвестициялар иң нескә темаларҙың береһе. Хәҙер һәр кесе йома Хөкүмәт ултырыштарында инвестициялар сәғәте үткәреләсәк.
Белешмә өсөн шуны билдәләйбеҙ, республика һуңғы ете-һигеҙ йылда Рәсәйҙең инвестициялар йәлеп итеү рейтингында утыҙынсы-ҡырҡынсы урындарҙы биләне. Өфөлә бәхәсле “Кроношпан”, экологик йәһәттән имен булмағандар иҫәбендәге Салауат ҡалаһында Акрил кислотаһы заводын иҫәпкә алмағанда, ҡеүәтле объекттар төҙөлмәне.
Читайте нас в