Ағиҙел
-17 °С
Болотло
75 лет Победы
Бөтә яңылыҡтар
Дөйөм мәҡәләләр
28 Ноябрь 2018, 15:23

Зина ҡылыу бер ваҡытта ла яҡшылыҡҡа түгел. Ауырлы һөйәркәһен үлтергән ир 15 йыл ғүмерен төрмәлә үткәрәсәк.

Ваҡиға бик ябай башлана. 30 йәшлек ир менән 33 йәшлек ҡатын бер-береһен ярата. Мөнәсәбәттәр кәнфит-сәскә ташыу, етәкләшеп йөрөү менән генә тамамланмай, тәрәнгәрәк китә. Мөхәббәттең сағыу емеше барлыҡҡа килеүе хаҡында ҡатын иргә 2017 йылдың авгусында хәбәр итә. Ир баланы төшөрттөрөргә тәҡдим итә, ҡатын ҡырҡа баш тарта.

Үҙенең никахлы ҡатыны был хаҡта белеүҙән ҡото осҡан ир һөйәркәһенең йәнен ҡыйыуҙан башҡа, бер йүнле юл да таба алмай. Енәйәт ҡот осҡос шарттарҙа тормошҡа ашырыла, ир ҡатынды, бер нисә тапҡыр сәнсеп, үлтерә һәм сүплектә күмеп ҡуя. Ҡайғынан тамам аптыраған ата-әсәһе ике айҙан ашыу ҡыҙҙарын көтә. Аҙаҡ иргә ҡарата енәйәт эше асыла. Тикшереү ваҡытында бахыр ир һөйәркәһенең ауырлы икәнлеген белмәүен раҫларға тырыша. Аҙаҡ, билдәле, ирҙе ҡаты тәртипле холоҡ төҙәтеү колонияһына ун биш йылға иркенән мәхрүм итәләр. Енәйәтсе мәрхүмәнең ата-әсәһенә әхлаҡи зыянды ҡаплау йөҙөнән бер миллион һум аҡса түләйәсәк.