Ағиҙел
-10 °С
Болотло
75 лет Победы
Бөтә яңылыҡтар
Дөйөм мәҡәләләр
28 Ноябрь 2018, 15:55

Мең дә бер күҙәтеүем. 160-сы күҙәтеүем: “Икенсегә әүрәп, этен үлтереүсе...”

Бынан бер ун биш йыллап элек йәйгеһен тыуған яғыма ҡайтып, Талҡаҫҡа һыу инергә барҙым. Парковкаға ҡуйылған машиналар араһынан үтеп барғанда таныш тауыш ишеттем. Тап үҙе – Әхтәм ағай Абушахмановтың тауышын һис кемдеке менән бутарлыҡ түгел. Өнө бар, үҙе юҡ. Кемдер машинаһының радиоалғысын һүндермәй киткәнме, тип тә уйлап өлгөрҙөм. Иҫке генә 6-сы маркалы машинаның аҫтында ике аяҡ күренә. Аяҡтарына ҡарап кем икәнен белеп булмаһа ла, аҫтан килгән ауаз тап уныҡы. Күрештек. Ағай хәлен шулай аңлатты:

- Машинам да, үҙем дә ҡартайҙыҡ. Ял йортона килгәйнем, тик оҡшамай. Ашау яғы ла...
Мин уны кискелеккә тыуған ауылыма ҡунаҡҡа саҡырҙым. Атай менән әсәйгә алдан әйтеп ҡуйып, төп йортобоҙҙа халыҡ артисы килеү хөрмәтенә оло мәжлес ҡорҙоҡ. Атайым һарыҡ һуйған. Мунса инеп сыҡтыҡ. Кис барлыҡ туғандарыбыҙ йыйылып һөйләшеп ултырғанда әсәйем атайымдың ҡолағына ишетелер-ишетелмәҫ итеп шулай тине:
- Бавай, был теге икенсегә әүрәп этен үлтереүсе кеше түгелме һуң...
Әлбиттә, бында һүҙ билдәле яҙыусы Рамаҙан Өмөтбаевтың “Һарығолаҡ” тигән әҫәре буйынса ҡуйылған фильмда Һиммәт ролен башҡарыусы Әхтәм Абушахманов хаҡында бара ине. Рәхәтләнеп көлөштөк.
---
Авторҙың мәҡәләләрен сайтыбыҙҙан ҡарай алаһығыҙ.
Читайте нас в