Ағиҙел
-15 °С
Болотло
75 лет Победы
Бөтә яңылыҡтар
Дөйөм мәҡәләләр
26 Ноябрь 2018, 18:18

Көньяҡ йүнәлештә яңы күпер төҙөләсәк. “Росавтодор” Ағиҙел аша яңы күпер төҙөүгә 2,5 миллиард һум аҡса бүләсәк.

Беҙ үткән аҙнала сайтыбыҙҙы уҡыусыларға республика етәксеһе Радий Хәбировтың Мәскәүгә эш сәфәре менән барыуы һәм “Росавтодор” етәксеһе Андрей Костюк менән осрашыуы тураһында хәбәр иткәйнек. Мәсьәлә бик тиҙ ысынбарлыҡҡа әүерелә шикелле.

“Росавтодор” Өфө-Аэропорт юлында Ағиҙел аша яңы күпер төҙөү мәсьәләһенең хәл ителеүен белдерҙе. Юл һәм транспорт мәсьәләләре буйынса халыҡ-ара форумда Башлыҡ вазифаһын башҡарыусы Радий Хәбиров бик һөҙөмтәле һөйләшеүҙәр алып барғайны.Ағиҙел аша яңы күпер төҙөү ифрат көнүҙәк мәсьәләләрҙән иҫәпләнә. Былтыр бындағы тиҫтәләрсә километрға һуҙылған тығындарҙы берәү ҙә онотмағандыр әле. Иҫке күперҙе өс аҙнаға ябыу аҙаҡ һигеҙ айлыҡ оҙайлы ремонтҡа әйләнде. Күперҙе тағы күпме ямаштырырға мөмкин, был хаҡта берәү ҙә аныҡ белмәй. Ә бына яңы күпер төҙөү юл-транспорт мәшәҡәттәрен хәл итеүҙә ҙур әһәмиәткә эйә булыуы бик ихтимал.
Читайте нас в