Бөтә яңылыҡтар
Дөйөм мәҡәләләр
23 Ноябрь 2018, 13:47

“Рәсәй лидерҙары” конкурсында ҡатнашыусылар Рәсәй тураһында дөйөм мәғлүмәтлелеккә имтихандарҙы тамамланы.

21 ноябрҙә “Рәсәй лидерҙары” бәйгеһенең икенсе этабында ҡатнашыусыларҙың 98,3 проценты тест һорауҙарына яуап биреүҙе үҙ ваҡытында үтәп сыҡты. Былтыр был күрһәткес 93 процент тәшкил иткәйне. “Быйылғы имтиханда ҡатнашыусылар Рәсәй тураһында белемдәренең юғары икәнлеген күрһәтеү мөмкинлегенә эйә булды. Был миҫал бәйгелә ҡатнашыусыларҙың һәйбәт белемле, маҡсатҡа ынтылышлы һм ныҡыш булыуҙары тураһында һөйләй”, – тип билдәләне “Рәсәй лидерҙары” конкурсы етәксеһе, “Рәсәй – мөмкинлектәр иле” коммерцияға ҡарамаған автономиялы ойошмаһы етәксеһе Алексей Комиссаров.

Рәсәй тураһында дөйөм белемдең һөҙөмтәләре киләһе аҙна баштарында мәғлүм буласаҡ. Иң юғары күрһәткестәргә өлгәшкәндәр имтихандарҙың икенсе этабына саҡырыу аласаҡ һәм идара итеүсе һәләтлелеге буйынса һынауҙар үтәсәк. Бынан тыш 2019 йылдың ғинуар-февралендә төбәктәрҙә ярымфиналдар һәм мартта финал ойоштороласаҡ.


“Рәсәй лидерҙары” идарасылары конкурсы “Рәсәй – мөмкинлектәр иле” ойошмаһының төп проекттарының береһе булып тора.


Мәғлүмәт өсөн шуны билдәләйбеҙ, “Рәсәй – мөмкинлектәр иле” ойошмаһы быйыл 22 майҙа Рәсәй Президенты Владимир Путин указы менән ойошторолдо һәм кешеләрҙең профессиональ мөмкинлектәрен һәм һәләттәрен тормошҡа ашырыуҙа ярҙам итеүгә тәғәйенләнгән.