Ағиҙел
-24 °С
Болотло
75 лет Победы
Бөтә яңылыҡтар

Ҡарбуҙ

Салауат ӘБҮЗӘР "Ҡарбуҙ" тәҡдим итә.

Салауат ӘБҮЗӘР
ҠАРБУҘ
Ҡарбуҙ күтәргән малайҙай
Хәл бөттө, арып-талдым.
Яҙа баҫып, абындым да
Саҡ-саҡ йығылмай ҡалдым.
Төшөп китә яҙҙы ҡарбуҙ, –
Харап була, эй, Аллам!
Бар көсөмдө йыйып, тағы
Уны ҡосаҡлап алам.
Оло юлдан киләм шулай,
Кемдер шаяртып ҡала.
Өлкәндәр баш сайҡап ҡуя:
“И-и, бала, бала, бала!”
Эстән ҡабатлайым мең ҡат:
“Сабыр бул, атла зарһыҙ!
Был – минең ауыр татлы йөк,
Был – минең генә ҡарбуҙ!”
Читайте нас в