Кемдәргәлер ҡурай тынғы бирмәй,
Бимазалай башҡорт бейеүе.
Улар өсөн бер енәйәт һымаҡ
Халҡыбыҙҙың моңдо һөйөүе.
Имеш, башҡорт йырлап ҡына йәшәй,
Ҡурай тартып ятыуын ул белер
Һуңғы атын хатта һуйһаң да.
Тарихҡа баҡ! Ҡайғы-хәсрәттәрҙе
Башҡорт башҡайҙары күп күргән.
Ғазаптарҙы ләкин илап түгел,
Ҡурай уйнап, йырлап үткәргән.
Йәне моңдоң - йөрәге туң булмай.
Ул йырҙарҙан күңел нурланды.
Дошмандарың әйҙә көнләшһендәр,
Йырла әле, башҡорт, "Урал"ды!